$ 447.4 € 477.55 ₽ 4.76
Риддердегі №1 мектеп-лицейдің 6 сынып оқушысы Иван Грибенщиков Индонезиядағы Wispo - 2022 Дүниежүзілік инновациялық ғылыми жобалар олимпиадасында әлемнің 20 елінен келген 150 қатысушы арасында үздік атанды, деп хабарлайды Ulysmedia.kz.
Оқушы өзі жасаған "Робот-дезинфекциялаушы" жобасын таныстырып, алтын медальға қол жеткізді. Сонымен қатар, кішкентай робототехник 2023 жылы зерттеуге арнайы Grand award сыйлығын (ең үлкен сыйлық) және 2023 жылғы зерттеулерге 3,5 миллион рупий (200 еуро) алды.
Иван әзірлеген механизм – функциялардың тұтас комбинациясы бар автоматтандырылған көмекші санитайзер.
Жасөспірімді мұндай аппарат жасауға COVID-19 пандемиясы шабыттандырыпты. Иван заттарды дезинфекциялау, қалдықтарды жою, сондай-ақ қолды өңдеу процесін мүлдем жанаспайтын және толығымен бір құрылғыда қолжетімді ету туралы ойлаған.
Техниканың өзі алдындағы затты не істеу керегін анықтайды. Егер сіз қандай да бір құралды құрылғыға жіберсеңіз, ол ультракүлгін сәулемен дезинфекциялайды және затты иесіне кері қайтарады. Егер сіз роботқа қалдықтарды "берсеңіз", ол алдымен қоқысты дезинфекциялайды, содан кейін оны қайта өңдейді. Егер сіз оған қолыңызды тигізсеңіз, механизм антисептик ұсынады.
