$ 443.85 € 474.3 ₽ 4.8
Швецияның Эстерсунд қаласында парашаңғы мен парабиатлоннан өтіп жатқан әлем чемпионатында қазақстандық Ербол Хамитов ел қоржынына алтын медаль салды, деп хабарлайды Ulysmedia.kz.
«Спортты дамыту дирекциясы» РМҚК баспасөз қызметінің хабарлауынша, Ербол Хамитов парашаңғыдан спринт қашықтығында 2:44,23 нәтижесімен жеңімпаз атанды.
Украиналық Тарас Рад мәре сызығын екінші болып қиса, бразилиялық Кристиан Вестмаер Рибейра қола жүлдеге ие болды.
Бұл – Ербол Хамитовтің осы біріншіліктегі екінші жүлдесі. Ол әлем чемпионатының алғашқы күні парабиатлоннан қола жүлдегер атанған.
