Жаңалықтар 25.01.2023 сағат 12:00

Астанада борышын өтеп жүрген сарбаз анасын танымай қалды

Мүгедек болып қалды деуге болады.
Астанада борышын өтеп жүрген сарбаз анасын танымай қалды
Kоллаж: stan.kz
Бөлісу
Бөлісу
Бөлісу

Астанадағы Ұлттық ұлан әскери бөлімінде борышын өтеп жүрген сарбаз ауруханаға түсті. Анасының сөзінше, әскерге сап-сау жіберген ұлы бүгінде өзін танымай қалған, деп хабарлайды КТК арнасы.

Дина Жүсіпова ұлының оған сенбейтінін айтады. Сондықтан не болғанын ашып түсіндірмейді екен. 

"Ол мені танымайды. Маған сенбейді, ашылып айтпайды. Мен ұлымды, сарбазды борышын өтеуге жібердім, ауруханада жату үшін емес. Мүгедек болып қалды деуге болады. Ештеңені түсінбейді", – деді анасы Дина Жүсіпова.  

Сарбаз ауруханаға жексенбі күні түскен, сол күні-ақ ата-анасына оның жағдайы туралы ескертіліпті. Дина Жүсіпова Астанаға дүйсенбі күні келгенімен, ұлын тек кешке ғана көріпті. Сөзінше, дәрігерлер ұлына не болғанын білмейді. 

"Ернар сені біреу ұрды ма? Сержант ұрды ма? Айтшы, мен саған көмектесемін. Жағдайы осындай", – дейді ол. 

Әскери бөлімде сарбаздың кешкі астан кейін баспалдақпен көтеріліп келе жатып есінен танғанын айтады. Ұрып-соғу дерегін жоққа шығарып отыр. Бөлім командирінің орынбасары сарбазға "талма синдромы" қойылғанын мәлімдеді. 

"Денесі тексерілді, ешқандай жарақат анықталған жоқ. Болған жағдай туралы сарбаздың ата-анасына және құзырлы органдарға ескертілді. Қазір бөлім ішінде қызметтік тексеріс, тергеу жүріп жатыр", – деді Ұлттық ұлан №5575 әскери бөлімі командирінің орынбасары Айдарбек Жүсіпбеков. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар