Шымкентте көпқабатты тұрғын үйдің балконы опырылып түскен, деп хабарлайды ҚазАқпарат.
Оқиға әл-Фараби ауданы, Тауке хан даңғылы бойында орналасқан 3 қабатты үйде болған. Түскі мезгілде үшінші қабаттағы балкон тұтастай төмен құлаған.
Оқиға орнына Әл-Фараби ауданы төтенше жағдайлар басқармасы, аудан әкімшілігінің қызметкерлері және жедел-құтқару жасағының құтқарушылары жедел жеткен. Мәселенің мән-жайын анықталып жатыр.
«Құтқарушылар оқиға орнында шатырдағы қарлар мен мұздарды түсіру жұмыстарын жүргізді. Зардап шеккендер мен қайтыс болғандар жоқ» - делінген Шымкент қаласы Төтенше жағдайлар департаментінің қоғаммен байланыс тобы таратқан ақпаратта.