14 ақпанда министрлер кабинеті отырысында Ғылым және жоғары білім министрі Саясат Нұрбек Түркияда білім алып жатқан Қазақстан студенттерінің жағдайы туралы айтты, деп хабарлайды Zakon.kz.
Саясат Нұрбек министрлік Сыртқы істер министрлігімен тығыз байланыста жұмыс істеп жатқанын айтты.
"Біз өз азаматтарымызды, кандидаттарымызды, шетелде білім алып жатқан және қиын жағдайға тап болған Қазақстан студенттерін, соның ішінде Түркияда білім алып жатқандарды қабылдауға дайынбыз. Ол үшін қабылдау ережелерін өзгерттік. Бұған дейін олар тек сессиялар арасында немесе жазғы демалыс кезінде ғана ауыса алатын. Бірақ қазір біздің университеттер оларды қиын жағдайларда қабылдауға дайын".
12 ақпанда Түркиядағы жоғары оқу орындарының (ЖОО) онлайн оқытуға көшетіні хабарланды.
6 ақпан күні таңертең Түркияда күшті жер сілкінісі болды. Кейінірек Түркияның орталық бөлігінде магнитудасы 7,8 болатын тағы бір күшті жер сілкінісі тіркелді.