$ 443.37 € 474.49 ₽ 4.83
Қарағанды қаласында Әлихан Бөкейхан ауданы әкімінің орынбасары пара алды деген күдікпен ұсталды, деп хабарлайды Azattyq Ruhy.
«Вечерняя Караганда» басылымының хабарлауынша, пара сомасы 1 млн теңге көлемінде болған.
«Қарағандыда әкім орынбасары пара алды деген күдікпен ұсталды. Ұсталған адам – аудан әкімінің тұрғын үй-коммуналдық шаруашылығы мәселелері жөніндегі орынбасары», - делінген хабарламада.
Аталған дерек Қарағанды облысы бойынша сыбайлас жемқорлыққа қарсы іс-қимыл департаментінің басшысы Мұрат Төлеубаев өткізген брифингте мәлім болған.
«Аталған деректің болдғаны растаймын. Қазіргі бұл мәселе бойынша қылмыстық іс тергеліп жатыр. Ол әлі аяқталған жоқ. ҚР ҚІЖК-нің 201-бабына сәйкес сотқа дейінгі тергеп-тексерудің егжей-тегжейлі ақпаратын таратуға құқығымыз жоқ», - деді Мұрат Төлеубаев.
