Олар Қазақстанға көші-қон заңнамасын өрескел бұзып келген Өзбекстан мен Тәжікстан азаматтары. Оларды полиция қызметкерлері “Мигрант” іс-шарасы кезінде анықтады.
"ЖАІШ-тың 4 күнінде көші-қон заңнамасын бұзған 689 адам әкімшілік жауапкершілікке тартылды, 83 шетелдік Қазақстан Республикасынан шығарылды. Қазақстан Республикасында болу ережелерін бұзған 360 шетелдік жауапкершілікке тартылды. Шетелдіктердің ҚР-да болуының заңдылығын қамтамасыз ету шараларын қолданбағаны үшін 288 қабылдаушы тарапқа айыппұл салынды. ҚР-ға шетелдік жұмыс күшін тарту ережелерін бұзғаны үшін 40 жұмыс беруші жауапкершілікке тартылды. ПД-ның қабылдап-таратуына жеке басын куәландыратын құжаттары жоқ 464 шетелдік орналастырылды", – деді, Алматы қаласы ПД көші-қон қызметі басқармасының бастығы Асхат Бутунчинов.
Сонымен қатар баяндамашының айтуынша, іс-шара күндері көші-қон заңнамасын бұзу бойынша 8 қылмыстық іс тіркелген. Сондай-ақ мемлекетаралық іздеуде жүрген 2 қылмыскер ұсталды.