Әлеумет 06.03.2018 сағат 06:35

«7-20-25»: Отандық журналист баспана мен демография мәселесін қатар шешудің жолын айтты

Күні кеше Мемлекет басшысы Парламент палаталарының бірлескен отырысында 5 әлеуметтік бастамасын ұсынған болатын. Олардың ең алғашқысы - қазақстандықтарды баспанамен қамту.

Бөлісу
Бөлісу
Бөлісу

Ол үшін Президент «7-20-25» бағдарламасын жүзеге асыру керектігін айтты. Яғни, несие өсімінің мөлшерлемесі жылына 7 проценттен, бастапқы жарнасы 20 проценттен аспайтын ипотека ұсынылады. Несие мерзімі 25 жыл.

Н.Назарбаевтың осынау бастамасы бүгінде қоғамда қызу талқыланып жатыр. Бір тарап мұны «халықтың баспана мәселесін шеше алады» деп қуанып жатса, екінші тарап 25 жылдық несиенің мерзімі өте ұзақ екенін айтып, көңілдері толмайтынын жеткізуде.

Ал, белгілі журналист, «Айқын» республикалық газетінің бас редакторы Нұртөре Жүсіп болса баспанамен қамтуда отбасындағы балалардың санына мән берілсе екен дейді.

«Елбасының бастамасы дұрыс! Енді осы есепке сәл-пәл түзету жасалса: айталық, 1 бала туғанда 10 пайыз, 2 бала туғанда 20 пайыз, 3 бала туғанда 30 пайыз, 4 бала туғанда 40 пайыз, 5 бала туғанда 50 пайыз, 6-7 бала туғандарға тегін беретін болса! Сонда баспанамен қатар демографиялық мәселе де шешілер еді», - дейді Нұртөре Жүсіп өзінің Facebook-парақшасында.

Айта кетейік, бұған дейін елімізде «Қоджетімді баспана-2020» бағдарламасы жүзеге асқан болатын. Ол қазақстандықтардың баспана мәселесін толықтай шешеді деп жоспарланған. Алайда, 2020 жылға жетпей үкімет бұл бағдарламаны тоқтатып тастады. Қазіргі таңда оның орнын «Нұрлы жер» бағдарламасы басты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар