Әлеумет 11.05.2019 сағат 12:07

Qazaq air әуекомпаниясының жаңа ұшағы Шымкентке келіп қонды

Таяуда Qazaq air әуекомпаниясының жаңа Bombardier Q400 NextGen маркалы ұшағы Шымкент әуежайына келіп қонды.
Qazaq air әуекомпаниясының жаңа ұшағы Шымкентке келіп қонды
Бөлісу
Бөлісу
Бөлісу

Алматы-Шымкент бағыты бойынша келіп жеткен ұшақты Шымкент қаласы әкімінің бірінші орынбасары Қайрат Нұртай салтанатты түрде күтіп алды. Компания бұл әуе көлігін бір апта бұрын ғана сатып алған болатын.

- Әуекомпанияның жаңа ұшағының Шымқалаға келуі - қуанышты жаңалық. Қалада жаңа терминал салынып жатыр. Алдағы уақытта ұшақтарды 4-5 есе көп қабылдауға мүмкіндік болады. Қазірдің өзінде Дубай, Мәскеуге рейстер ашылды. Енді осы компания ұшақтарының Алматыдан басқа өңірлерге де тікелей қатынауына жағдай жасалады, - деді қала әкімінің бірінші орынбасары Қайрат Ырзақұлұлы.

Жеңіс күні мерекесіне орай әуе компаниясы жолаушыларға осындай сый жасады. Яғни, коммерциялық бағыттарға жаңа ұшақтарды әуеге жіберу - компанияның стратегиялық дамуының басым бағыттарының бірі. Ұшақ Шымкенттен Алматыға күнде ұшады.

- Біздің басты мақсатымыз - қауіпсіздікті күшейту, қолжетімділік және өңіраралық қарым-қатынасты (әуе хат-хабар алмасу) жақсарту. Бұл Алматыдан жеткен ұшақ үздік экономикалық көрсеткіштерді көрсетіп отыр. Жолаушылардың қауіпсіздігі - біздің негізгі басымдықтарымыздың бірі. Елдегі ең жаңа ұшақтар біздің компанияға тиесілі. Тағы бір айта кетерлігі - біздің пилоттар, инженерлер еуропалық стандарттар бойынша әрдайым білімін жетілдіріп отырады. Бізге қолдау көрсеткен Шымкент қаласы әкімдігіне алғыс білдіреміз, - дейді Компанияның қаржы жөніндегі директоры Әділбек Өмiрәлиев. Қайрат Ырзақұлұлы бастаған қала басшылығы жаңа ұшақтың мүмкіндіктерімен де танысып көрді.

«SN.kz» - ақпарат»

Оқи отырыңыз

загрузка...

Соңғы жаңалықтар

Қызықты материалдар