$ 449.58  486.94  4.86

Ақтөбелік 9 жасар оқушы спорттан әлем рекордын жаңартты

«Муса өткен жылы фестиваль кезінде кеудені жерден 1013 рет көтеріп, Қазақстан рекорд жаңартқан болатын. Бұл жолы ол әлем рекордын жаңартты».

Тоғыз жастағы Муса Туркумбаев кеудені жерден қозғалыссыз көтеріп тұрудан әлем рекордын жаңартты, деп хабарлайды Aktobenews.kz.

Қалада алып күш иелерінің фестивалі өтті. Оған еліміздің әр түкпірінен мықтылар жиналып, күштерін сынады. Бұл жолы 9 жастағы Муса Туркумбаев тағы да ерекшеленді. Ол кеудесін жерден 1 сағат 13 минут 2 секунд қозғалыссыз көтеріп тұрды.

«Муса өткен жылы фестиваль кезінде кеудені жерден 1013 рет көтеріп, Қазақстан рекорд жаңартқан болатын. Бұл жолы ол әлем рекордын жаңартты. 2016 жылы 9 жаста болған Амир Махмет Астана қаласында кеудені жерден қозғалыссыз көтеріп тұрудан 1 сағат 2 секунд шыдаған болатын. Ал біздің Муса – Ақтөбенің дәулеті мен бағалы әшекейі. Ол Нұр-Сұлтан қаласының кішкентай тұрғынынан 13 минут асып түсті», – деді қалалық спорт бөлімінің басшысы Евгений Гончаров.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары