Әлеумет 12.02.2020 сағат 17:40

Тәртіп сақшылары елордадан мектеп көрмеген 3 баласы бар, құжатсыз жүрген отбасыны анықтады

Олар бұған дейін Қостанай облысында тұрған.
Тәртіп сақшылары елордадан мектеп көрмеген 3 баласы бар, құжатсыз жүрген отбасыны анықтады
Фото: pixabay.com
Бөлісу
Бөлісу
Бөлісу

«Сарыарқа» ауданы полиция басқармасының учаскелік инспекторлары ұзақ жыл бойы құжатсыз жүрген, үш баласы бірдей мектеп бетін көрмеген отбасын анықтады, деп мәлімдеді Нұр-Сұлтан қалалық Полиция департаментінің баспасөз қызметіне сілтеме жасаған Skifnews.kz ақпарат порталы.

38 жастағы ана балаларының жасы 11, 14 және 15-те екенін, Нұр-Сұлтан қаласында екі айдан бері тұратынын айтқан. Олар бұған дейін Қостанай облысында тұрған. Ол өзінің жеке басына қатысты құжаты жоқтығынан балаларының да атына құжат әзірлеу мүмкіндігі болмағанын айтқан.

Учаскелік инспекторлар тексеру барысында аталмыш отбасындағы үш баланың ешқашан мектеп табалдырығын аттамағанын, үшеуінің де туу туралы куәлігі жоғын анықтады. Сондай-ақ полиция инспекторлары 38 жастағы ананың балаларына тәрбие беріп, көңіл бөлуге мүмкіндігі болмағанын хабарлады.

Ювеналды полиция өкілдері қалалық Білім басқармасымен бірлесіп, үш баланы медициналық тексеруден өткізіп, оларды білім алу үшін Нұр-Сұлтан қаласындағы мектептердің біріне орналастырған. Қазір оларға психологиялық көмек көрсетіліп жатыр. Жақында «Қорғау-Астана» жеке қорының қолдауымен жасөспірімдерге жеке құжат әзірленеді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар