Таяуда Денсаулық сақтау министрі Алексей Цой «санитариялық-профилактика шарасын ұйымдастыру және іске асырудың кейбір мәселелері туралы» бұйрыққа қол қойды. Құжатта қоғамдық көлікте жүру талаптары туралы да жазылған. Бұл – таксиге де қатысты, деп жазады Skifnews.kz ақпарат порталы, Kolesa.kz-ке сілтеме жасап.
Талапты елемеген азаматтар ҚР ӘҚБтК-нің 425-бабы бойынша жазаланады. Аталған баптың бірінші бөлігінде былай жазылған:
Қазақстан Республикасының халықтың санитариялық-эпидемиологиялық саламаттылығы саласындағы заңнамасының талаптарын, сондай-ақ, гигиеналық нормативтердi, техникалық регламенттерді адам денсаулығына зиян келтіруге әкеп соқпаған бұзушылық – жеке тұлғаларға 30 АЕК (83 340 теңге) мөлшерінде айыппұл салуға әкеп соғады.
Жеке тұлғаларға қандай жағдайда айыппұл салынады: - жабық ғимараттар мен қоғамдық көлікте бетпердесіз жүргенде; - қоғамдық орындарда бір метр қашықтық сақтамағанда; - далада үштен аса адам топтасып, не басқа да талаптарды елемей жүргенде.