Әлеумет 09.10.2020 сағат 23:16

Мұхамеджан Тазабек өзін «жүн бет» санаған қоғам белсенділерінің «ит терісін басына қаптады»

“Ойбай, уахаби екен, арабтан ақша алады екен, билікке жағымпаз болғасын жолы ашық екен” деген жала мен долбарды естіп келе жатқаныма жиырма жыл болды.
Мұхамеджан Тазабек өзін «жүн бет» санаған қоғам белсенділерінің «ит терісін басына қаптады»
Фото: shymkenttv.kz
Бөлісу
Бөлісу
Бөлісу

Айтыскер ақын, «Асыл арна» директоры Мұхамеджан Тазабеков бірнеше күннен бері «Тәлім trend» бағдарламасын тоқтатуды талап еткен қоғам белсенділеріне жауап берді, деп хабарлайды Skifnews.kz ақпарат порталы.

Бұл туралы ақын өзінің Instagram парақшасында жазды.

Ақын әлеуметтік желідегі парақшасында "Тәлім трендтен" кімнің не зиян көріп отырғанын сұрады.

"Құрметті оқырмандар!

Сіздер қалай ойлайсыздар? Менің осы жүргізіп отырған парақшамнан, айтып жүрген “ТӘЛІМ ТРЕНДТЕН” кімге не зиян бар?

Кейбір қаракөздеріміз дабыл қағып, “Мұхамеджан сөйлемесін, ТӘЛІМ ТРЕНД тоқтатылсын” деп даурығатындай кім не бүлдірді?

"Жақсыда жаттық жоқ, жақсы сөз жан семіртеді, сөз түзелді, тыңдаушы сен де түзел" деп, ізгілікті қалаған ірілердің ұрпағы емес пе едік?!

Айналамыздан ақсақал таппай, қарттардың ішінен қария шықпай қапа боп жүрген заманда, “ТӘЛІМ ТРЕНДТІҢ” алдын тосып, жолын кесетіндей ҚАЗАҚТЫҢ көңілі неден тарылды?

Отбасыңмен отырып кино көре алмай, ұл-қызыңа ойлағаныңды бере алмай, инстаграмнан ютубқа, ютубтан тик-токқа түскен заманда, тағылым іздеген қазақтың “ТӘЛІМ ТРЕНД” тыңдағанынан қандай қасірет көріп тұрмыз?!

Ақ ниетімді алдарыңызға ақтарып салып, уайымыңыз болса жеңілдетуге, қуанышыңыз болса көбейтуге үлес қоссам деп талпындым.
Қамыққан қарындастың, көңілсіз келіннің, жабыққан жеңгейдің жанына жылу сыйласам деп желіге жүгіндім...

Мен тәжірибеммен бөлісіп, тәлімімді айттым, сіздер жүрек жібітіп, жақындарыңызға жібердіңіздер...

Сіздер ақ тілек айтып, жігер бердіңіздер, мен риза болғаннан қанаттанып, қал-қадірімше қызмет етуге қуат жұмсадым...

Елдің тілегі есіктегіні төрге, ылдидағыны өрге шығарады. Сіздердің баталарыңызды алып, ризашылықтарыңызға бөленген “ТӘЛІМ ТРЕНД” жобамыз Ұлттық арнаның назарына түсіп, жаңа деңгейде, байтақ жұртқа ұсынылмақ екен.

Тағы оқи отырыңыз: «Бұл енді Ұлттың арнасы емес, жүн беттердің арнасы!» - Айгүл Орынбек

Онда тұрған не бар?

Діни уағыз, шариғи насихат айтқалы жатқанымыз жоқ.

Зайырлы қоғамға, дәстүрлі құндылықтарды паш етсек, әлемге кеңінен танымал консерваторлық көзқарас пен либералдық ұстанымдардың ықпалын талқылап, қызық деректерді келтірсек, кімге не зиян?!

Ұлтқа керекті, ұрпаққа пайдалы, қоғамға маңызды мәселелерді көтерсек, тәлімді тұсын тарқатып, пайдалы жағын пайымдасақ одан кім ұтылмақ?

“Өнбейтін дауды өспейтін ел ғана қуалайды”, дейді қазақ.
“Ойбай, уахаби екен, арабтан ақша алады екен, билікке жағымпаз болғасын жолы ашық екен” деген жала мен долбарды естіп келе жатқаныма жиырма жыл болды. Күдіктілер ұсталып, кінәлілер сотталып, қаншама оқиға тарихқа сіңіп кетті", - деп жазды деп жазды Тазабеков.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар