Әлеумет 08.12.2020 сағат 14:40

430-дан астам адам арнайы әлеуметтік қызметтерге тапсырыс берді

Қазіргі уақытта порталда 1,2 мыңнан астам өнім жеткізуші тіркелген, олардың ішінде 782-сі арнаулы әлеуметтік қызмет көрсетеді, ал 25-і ОТҚ ұсынады.
430-дан астам адам арнайы әлеуметтік қызметтерге тапсырыс берді
фото: pixabay.com
Бөлісу
Бөлісу
Бөлісу

Әлеуметтік қызметтер порталын (әрі қарай – портал) іске қосқан ағымдағы жылдың басынан бері ол арқылы мүгедектігі бар адамдар үшін 25,3 мың оңалтудың техникалық құралы (әрі қарай – ОТҚ) берілді, 430-дан астам адам арнайы әлеуметтік қызметтерге тапсырыс берді. Бұл туралы Skifnews.kz ақпарат порталы, Еңбек және халықты әлеуметтік қорғау министрлігіне сілтеме жасап хабарлайды.

Портал мүгедектігі бар адамдарға ОТҚ өндіруші мен жеткізушіні өз бетінше таңдауға мүмкіндік береді. Көмектің кепілдік берілген түріне тапсырыс беру электрондық цифрлық қолтаңба арқылы жүзеге асырылады. Тапсырыс берілген ОТҚ-ны жеткізу арқылы немесе өз бетінше алып кетуге болады.

Мүгедектігі бар адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдарды, сондай-ақ кресло-арбаларды ұсынуды қамтиды.

Қазіргі уақытта порталда ОТҚ-ның 55 түрінің 24-і қолжетімді. Оларды жеке таңдау қажет емес.  ОТҚ-ның жеке таңдап беруді қажет ететін қалған түрлері 2021 жылы порталға ауыстырылатын болады.

Қазан айында портал арқылы жеке көмекшілер мен ымдау тілі мамандарының қызметтеріне тапсырыс беру, сондай-ақ санаторлық-курорттық емдеу мекемесін таңдау бойынша функциол пилоттық режимде іске қосылды. Ағымдағы жылғы 7 желтоқсандағы жағдай бойынша жеке көмекшінің қызметтеріне 143, ымдау тілі маманының қызметтеріне 134 және санаторлық-курорттық емдеуге 157 тапсырыс жасалған.

Еске сала кетейік, электрондық ресурс мүгедектігі бар адамдарды қажетті қызметтермен және жеткізушіден тікелей ОТҚ-мен қамтамасыз ету мақсатында әзірленген.

Қазіргі уақытта порталда 1,2 мыңнан астам өнім жеткізуші тіркелген, олардың ішінде 782-сі арнаулы әлеуметтік қызмет көрсетеді, ал 25-і ОТҚ ұсынады. Министрлік жеткізушілердің санын арттыру бойынша белсенді жұмыс жүргізуде.

«Әлеуметтік қызметтер порталы» автоматтандырылған ақпараттық жүйесін енгізу Мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі ұлттық жоспар шеңберінде көзделген.

1411 нөмірі бойынша колл-орталықтан порталды пайдалану бойынша консультация алуға болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар