Шымкентте қарт әжейді қыздары мен күйеу балалары ұрып тастаған (ВИДЕО)

Шымкентте қарт әжейді қыздары мен күйеу балалары ұрып тастаған. Бұл туралы адвокат Еркін Кахаров өзінің Facebook парақшасында мәлімдеді. Ақпаратқа қалалық полиция бөлімі түсініктеме берді деп хабарлайды KAZ.NUR.KZ. 

Желіде жанарына жас толған кейуананың видеосы пайда болды. Адвокат Еркін Кахаровтың айтуынша, әжейдің есімі – Алтынкүл. Ол туған қыздары мен күйеу балаларынан таяқ жеп, жарақат алыпты. 

Туыстарының айтуынша, жәбірленуші әйел өмір бойы жұмыс істеген, ешқашан той-томалақ пен демалыс орындарына бармаған, балаларын асырау үшін тер төккен, оларды ұрмаған, тіпті оларға ұрыспаған. 

Алайда, қыздары есейіп, туған анасына қол көтере бастапты. Бұған отбасы бөлісе алмаған өгей әкелерінің үйі себеп болған. 

Адвокат барлығы 2018 жылы басталғанын атап өтті. Әжей өзінің кіші қызына өмірден өткен күйеуімен бірге салған үйді берген. Алайда қыздың анасы онымен бірге тұратынын айтып, шарт қойған. 

Жазатайым оқиға салдарынан, тұрғын үйді қызының атына рәсімдегеннен кейін 10 күн өткен соң, кіші қызы қайтыс болады. Мүлік күйеуіне және екі баласына мұраға қалады. 

Еркін Кахаров заң бойынша үйдің 1/8 бөлігі бірінші кезеңнің мұрагері ретінде Алтынкүлге тиесілі деп жазады. Әйелі қайтыс болғаннан кейін 40 күн өткенде, күйеу баласы енесінен үйден кетуін сұраған, бірақ әжей баратын жері жоқ екенін айтыпты. 

Содан соң олар өзара соттасқан. Кейуана барлық жинап-терген ақшасын адвокаттарға жұмсаған. Қарияның айтуынша, шамамен 1,8 миллион теңге құртқан, бірақ сотта жеңілген. 

Жағдай одан да нашарлай түскен, деп атап өтті адвокат. Кіші қызының күйеуі одақтас ретінде өгей әкесінен қалған үйден өз үлесін алғысы келетін қалған екі қызды қосып алады. 

"Сондықтан олар есеп айырысуға келіп, өз аналарын ұрып тастаған", – дейді Еркін Кахаров. 

Кахаров полицияға арыз жазылғанын түсіндірді. Әжейдің өзіне қол жұмсағысы келгені, бірақ кездейсоқ жағдайдың арқасында аман қалғаны белгілі болды. 

Енді Еркін Кахаров қарт ананың мүдделерін ақысыз қорғауды өз мойнына алды. Ол тәртіп сақшыларынан әжені ұрған қыздары мен күйеу балаларын жазалауды сұрады. 

Алтынкүлдің сол қолы екі жерден сынған, денесінің бірнеше жері көгерген. Осы арада туындаған жағдайға қатысты Шымкент полиция басқармасы Facebook-тегі ресми парақшасынан түсініктеме берді. 

"Абай ауданының полиция бөлімінің қызметкерлері 1950 жылы туған жергілікті тұрғынды туыстары ұрып-соққаны туралы арызына сәйкес, қылмыстық кодексінің 107-бабының 1-бөлігі бойынша (денсаулыққа қасақана орташа ауырлықтағы зиян келтіру) сотқа дейінгі тергеу амалдары жалғасуда. 

Тергеу әрекеттері аяқталғаннан кейін процессуалдық шешім қабылданады", – деп атап өтті ведомствода.