«Көре алмайтын адамдардың істегені»: суретіне ине шаншылған жігіт мән-жайды түсіндірді

Әлеуметтік желіде тарап кеткен суреттегі жігіт - Алматы қаласының тұрғыны Әлішер Қабаев байланысқа шықты. Ол өзінің instagram-дағы парақшасында оқиғаның мән-жағдайын түсіндіріп, уайымдап жатқан адамдарға алғысын білдірді, деп хабарлады paryz.kz, Masele Qaz веб-сайтына сілтеме жасап.

Жігіттің айтуынша, оның суреттегі Аружан есімді қызбен танысқанына 2 жыл болған. Сол уақытта араларына көп адам түскен көрінеді. Соған қарамастан, ол екеуі әлі қол ұстасып, кез келген қиындықты бірге еңсеретінін жеткізді.

"Бұл бізді көре алмайтын адамдардың істеген ісі деп білеміз. Бір жағынан бұған мән бермеуге болар еді. Алайда осы оқиғадан кейін достарымыз, туған-туыстарымыз бізді уайымдап, күнде хабарласады. Сондықтан біз де бұған назар аударуға мәжбүр болдық", - деді Әлішер Қабаев.