Алматы қаласындағы № 5 перзентханада босанған әйел көз жұмды. Қоғамдық денсаулық сақтау басқармасы басшысының орынбасары Лаура Мырзағалиеваның айтуынша, оқиға 2 наурызда болған. Анасы көз жұмғанмен, сәбиі аман қалған. Қазір оның жағдайы қанағаттанарлық.
Қазір осы жағдайға байланысты перзентханада тергеу шаралары басталған. Оның қорытындысы сот-медициналық сараптама аяқталған соң жасалады.
Бұған дейін БАҚ-тың бірінде босанған әйелдің (Анна Есинбекова - марқұм) қайтыс болары алдында перзентханадағы жемқорлық туралы хабарлағаны жайлы айтылды.
Басқарма басшысының орынбасары Лаура Мырзағалиева әйелдің өліміне аурухана басшылығы кінәлі екені анықталса, басқарма қатаң шара қабылдайтынын жеткізді.