Әлеумет 06.07.2021 сағат 16:06

Қапшағайда ерсі қылық көрсеткен полицейдің ісі тексерілуде

Полиция қызметкерінің іс-әрекеті бойынша қызметтік тексеріс басталды.
Қапшағайда ерсі қылық көрсеткен полицейдің ісі тексерілуде
Бөлісу
Бөлісу
Бөлісу

Қапшағайда патрульдік полиция инспекторының әрекетінен кейін қызметтік тексеріс басталды. Ол видеоға түсіріп тұрған адамды қолынан қағып, дөрекілік танытты, деп хабарлайды Sputnik Қазақстан.

Әлеуметтік желіде тараған видеода полиция формасын киген ер адам: "Не болды, ей?",- деп, смартфонға түсіріп тұрған жігіттерді шақырады. Олар тәртіп сақшысының тонировкамен жүргенін айтады. Осы кезде ер адам: "Ей, алшы ананы, фонарьды бетке жақпаш", - деп, қолдан қағып жібереді. Ал екінші адам араласқанда оны да сөзбен басып тастайды. Бірақ видео авторы полицейдің көлігін және нөмірін түсіріп алды.

Алматы облыстық полиция департаменті ер адамның полицияда істейтінін растады. Ол Қапшағай қаласы полиция бөлімі патрульдік полиция взводының қызмет инспекторы болып шықты.

Видеодан кейін оған қатысты әкімшілік құқық бұзушылық кодексінің 590-бабы, 5-бөлігі (Көлiк құралдарын пайдалану қағидаларын бұзу) бойынша әкімшілік хаттама рәсімделді. Осы бапта 5 айлық есептік көрсеткіш (14 585 теңге) көлемінде айыппұл қарастырылған.

"Оған қоса, полиция қызметкерінің іс-әрекеттері бойынша қызметтік тексеріс басталды", - дейді облыстық департамент мамандары.
Ал қол астындағы қызметкерлерге тиісті бақылау жасамаған басшылыққа тәртіптік жаза берілуі мүмкін.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар