Әлеумет 21.07.2021 сағат 16:40

Елордада ер адам ойыншық тапаншамен ломбард тонап кетті

Оқиға орнына жедел полиция жасағы барып, күдіктінің белгілері анықталды.
Елордада ер адам ойыншық тапаншамен ломбард тонап кетті
фото: elements.envato.com
Бөлісу
Бөлісу
Бөлісу

Нұр-Сұлтанда ер адам ойыншық тапаншамен ломбард тонап кетті, - деп хабарлайды Tengrinews.kz елордалық ПД баспасөз қызметіне сілтеме жасап. 

20 шілдеде "102" пультіне кассирден белгісіз біреу тапаншамен қорқытып, ломбардты тонап кеткені туралы хабар түскен. Ер адам 200 мың теңге алып, белгісіз бағытқа қашып кеткен.

"Жәбірленушінің сөзінше, сағат 12.00-де медициналық маска таққан ер адам терезеге жақындап, тапаншасын көрсеткен. Кейін целлофан пакет беріп, "тезірек ақша, алтын, не бар бәрін сал! Әйтпесе өлтіремін!" деп ақырын ғана айтқан. Осы сөздерден кейін қыз ақшаны монеталармен қоса жинап, пакетті қарақшының қолына берген", - дейді полицейлер.

Оқиға орнына жедел полиция жасағы барып, күдіктінің белгілері анықталды. Полиция жасақтары бағдар бойынша барлық ауданды тексеріп шықты. 

Осылайша жедел басқару орталығының операторлары бейнекамераларды қарап, күдіктіге ұқсас ер адамды байқады. Видеокадрлардан оның жылдам жүріп бара жатып, белгісіз затты лақтырып жібергенін көруге болады. Кейін өтіп бара жатқан тағы бір адам бұл затты алады, бірақ тапанша ойыншық болып шығады. 

Полицейлер қылмыскерді сауда үйінің тұрағында ұстады. Ол қала маңындағы ауылдың 28 жастағы тұрғыны болып шықты. Күдікті кінәсін мойындап, ПД уақытша ұстау изоляторына қамалды. "Қарақшылық" бабы бойынша қылмыстық іс қозғалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар