Әлеумет 02.08.2021 сағат 12:40

Instagram арқылы 40-тан аса адамды алдаған қызға сот үкім шығарды

Оның қолында хабарландыруда көрсетілген тауардың ешбірі болмаған.
Instagram арқылы  40-тан аса адамды алдаған қызға сот үкім шығарды
Бөлісу
Бөлісу
Бөлісу

Жамбыл облысында Instagram арқылы әйелдер киіміне тапсырыс қабылдап, желі қолданушыларынан 2 млн теңгеден астам ақша алдап алған азаматшаға сот үкім шығарды, деп хабарлайды ҚазАқпарат.

Ішкі істер министрлігі Тергеу департаментінің бастығы Санжар Әділовтің айтуынша, күдікке ілінген азаматша - 1995 жылы туған Жамбыл облысының тұрғыны. «Оның оңай ақша табу үшін Instagram арқылы әйелдер киіміне тапсырыс қабылдап, орындамағаны белгілі болды. Әлеуметтік желіде сатылатын киімдердің каталогын жариялайтын аккаунт ашып, жалған хабарландыру ілген. Оның қолында хабарландыруда көрсетілген тауардың ешбірі болмаған.

Сөйте тұрып, тауардың бағасын 100 пайыз көлемінде алдын ала төлем қабылдап, курьер арқылы жолдауға уәде берген. Курьерлік қызмет тапсырысты бір аптаның ішінде жеткізетінін пайдаланып, бірнеше күн бойы алаяқтығын еш кедергісіз жалғастырып келген», - дейді ІІМ өкілі. Осы уақыт ішінде күдіктінің құрығына 40-тан астам адам ілінген.

«Күдіктінің қылмыстық әрекетінің кесірінен 40-тан астам адам алданған. Материалдық шығынның жалпы көлемі 2 млн теңгеден асады. Қылмыстық іс сотқа жолданып, сот үкімімен азаматша 3,5 жылға бас бостандығынан айырылды», - деді Санжар Әділов.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар