Ауа райының нашарлауына байланысты астана маңына қатынайтын кей автобустар жүрмей қалды, деп хабарлайды Skifnews.kz ақпараттық порталы ҚазАқпаратқа сілтеме жасап.
IKomek жедел қызметі таратқан мәліметке сенсек, қала маңына қатынайтын № 308, 309, 312, 317 бағдарларының қозғалысы уақытша тоқтатылған. Басқа маршруттар линияда жүр. Айта кетейік, кеше күндіз қала маңына жолаушы тасымалдайтын № 315, 316 автобустары да жүрмей қалған болатын.
Сондай-ақ, кешеден бері елорда мен Ақмола облысында боран соғып тұр. Осыған байланысты бүгін 12.30-дан бастап астанадан Щучинскіге және Павлодар облысына баратын жолдар жабылды.