Экономика 09.11.2018 сағат 04:16  399

Көлтабандап суарылатын жерлер артуда

Ақ Жайық өңірінде көлтабандап суару жүйелерін қалпына келтіру жұмыстары қарқынды жүруде. Бұл мал шаруашылығын жем-шөппен тұрақты қамтамасыз етуге мүмкіндік бермекші.

Көлтабандап суарылатын жерлер артуда
Бөлісу
Бөлісу
Бөлісу

БҚО әкімі Алтай Көлгіновтің айтуынша, қазіргі уақытта Жаңақала ауданындағы жалпы суармалы жер учаскесі аумағының 16,5 мың гектарын құрайтын «Төртқұлақ – Қарасу» суару алқабындағы құрылғыларға күрделі жөндеу жүргізілуде. Аталмыш аудан өңір экономикасында, соның ішінде мал шаруашылығында елеулі орын алатынын ескерсек, бұл іс-шараның пайдасы көл-көсір болмақшы. Ал жалпы ұзындығы 180 шақырымды құрайтын «Киров – Шежін» каналы қараша айының соңына дейін іске қосылады деп жоспарлануда. Ақжайық ауданы аумағындағы «Солянка – Азынабай – Тайпақ» каналын, Ақжайық су қоймасын күрделі жөндеумен қайта қалпына келтіру бойынша кешенді жұмыстар жүргізілуде. Сонымен қатар суармалы ауданы 15 мың гектардан астам «Сакрыл» және «Мамай» суармалы жүйелерін қалпына келтіру жұмыстарына жобалық-іздестіру жұмыстары жүргізілуде.

- Көктемгі тасқын сумен көлтабандап суарылатын жерлер аумағын арттыру мақсатында 2015 жылдан бастап іргелі істер басталды. Сол жылы 86,3 млн. теңгеге суару аумағы 6 630 гектарды құрайтын Қалдығайты жайылмалы суару жүйесін реконструкциялау жұмыстары жүргізілді. 2016-2017 жылы суару аумағы 2 354 га құрайтын Сырым ауданындағы «Өлеңті көлтабан-жайылмалы суару жүйесін жаңғырту» жобасы бойынша құрылыс-монтаж жұмыстары жүргізілді. Былтыр Жәнібек ауданындағы Әбділман және Соркөл жайылма суару жүйелерін қалпына келтірілді. Бұл бағыттағы жұмыстар одан әрі жалғасады,-дейді БҚО ауыл шаруашылығы басқармасының басшысы Берік Есенғалиев.

Оқи отырыңыз

‡àãðóçêà...

Соңғы жаңалықтар