Экономика 06.05.2019 сағат 11:38  352

Кәсіпкерлер онлайн бақылау-кассалық машинасын пайдалануға толықтай көшпек

2020 жылдың 1 қаңтарынан бастап «Салық және бюджетке төленетін басқа да міндетті төлемдер туралы» кодекс бойынша, барлық кәсіпкерлер фиксациялау және мәліметтерді жолдау қызметі бар бақылау-кассалық машинасына (БКМ) көшуі тиіс. Бұл Қаржы министрлігінің 2018 жылдың 16 ақпанда жарияланған бұйрығы бойынша бекітілген. 

Кәсіпкерлер онлайн бақылау-кассалық машинасын пайдалануға толықтай көшпек

Демек, енді еліміздегі барлық кәсіпкерлер осы тәртіп бойынша жаңа қызметі бар кассалық аппаратпен төлем қабылдауды жүзе асыру керек. Кәсіпкерлер жаңа онлайн-БКМ сатып алу арқылы немесе ескі аппаратты онлайн режимге өзгерту арқылы жүзеге асыруға болады.

«Онлайн БКМ-ын пайдалану көлеңкелі экономиканы төмендетуге, салықтық әкімшілікті жетілдіруге, салықтық тексерулерді азайтуға мүмкіндік береді. БКМ мемлекеттік қызметтерді автоматтандырудың бірден-бір құралы саналады», - деп хабарлайды ведомство өкілдері.

Мемлекеттік кірістер комитетінің дерегіне сәйкес, 2019 жылдың 1 мамырына дейін мәліметтерді жолдау қызметі жоқ 255 191 бақылау-кассалық машинасы тіркелген. Атап айтқанда, 181 566 аппартқа (71,1%) онлайн БКМ бағдарламалық жүйесін жаңарту жұмыстары жүргізілген. 

Сонымен қатар, телекоммуникациясы жоқ жерлерде кассалық аппараттарды онлайн-БКМ-ын жаңартудың қажеті жоқ. Елімізде ондай кассалардың саны 12 мыңға (4,7%) жетіп жығылады. Ал, бағдарламалық қамтамасыз ету (аппараттық-бағдарламалық кешен) бойынша 32 110, яғни, 12,6 %-ды құрайды. Қалған 32 110 (12,6%) фиксациялау және мәліметтерді жолдау қызметі бар бақылау-кассалық машинасын пайдаланудан босатылған. 

Айта кетсек, кәсіпкерлерді ынталандыру мақсатында онлайн бақылау-кассалық машиналарын сатып алу кезінде 60 000 теңге көлемінде салық жеңілдігі қарастырылған. Бұл бастамалар Тұңғыш Президент Нұрсұлтан Назарбаев ұсынған «Цифрлық Қазақстан» мемлекеттік бағдарламасы аясында жүзеге асуда. 

 

Соңғы жаңалықтар