$ 447.4 € 477.55 ₽ 4.76
Астана қаласы Білім басқармасының мәліметінше, биылғы оқу жылында 5 жаңа мектеп ашылады, деп хабарлайды Skifnews.kz.
Қала әкімдігінің ресми сайтының хабаралауынша, биылғы оқу жылы № 73, 74, 75, 76, 77 мектептер өз есігін ашады. Әр мектептің жобалық қуаттылығы - 1200 орын. Сонымен қатар, қазан айында 4700 орындық 4 мектептің құрылысын аяқтау жоспарланған.
Жаңа оқу жылының басталуына санаулы күндер қалды. 1 қыркүйекте білім беру ұйымдарында Білім күніне арналған «Қазақстандық жол-2050: Бір мақсат, бір мүдде, бір болашақ» тақырыбында сабақ өткізіледі.
Бірінші сыныпқа баратын 13 мыңға жуық балдырған мектеп табалдырығын алғаш аттап, оқушылар қатарына қосылады.
