Білім & Ғылым 25.10.2019 сағат 11:30

«Оқушыларға обал»: ата-аналар мектеп оқулығынан тағы да олқылық тапты

"Адамдар ерігейін деген бе?", "Бұл - екінші сыныптың оқулығы", "Барлық пәндер күлкілі", "Қазіргі программа өте қиын, бала түгілі, біз үлкендер түсінбей жатамыз", "Оқушыларға обал" деп шуласты олар.
«Оқушыларға обал»: ата-аналар мектеп оқулығынан тағы да олқылық тапты
Фото: pixabay.com
Бөлісу
Бөлісу
Бөлісу

Бастауыш сыныпқа арналған "Дүниетану" пәнінен ата-аналар тағы да олқылық тапты, деп жазады Skifnews.kz ақпарат порталы. 

@zhaloby_astana Instagram-парақшасында олар бастауыш сыныпқа арналған "Дүниетану" пәніндегі тараулардың балаға тым ауыр екенін айтып шағымдануда. 

Ата-ананың ойынша, баланың құқығын қорғауға бағытталған тарау жоғары сынып оқушыларына арналуы тиіс. Олар бастауыш сынып балаларына "құқық, міндет, жауапкершілікті" түсіндіруге әлі ерте екенін айтуда.

"Дүниетану сабағы бойынша балаларға құқық, міндет және жауапкершілік туралы айтып жатыр. Бұны балаларға түсіндіру өте қиын, ерте әлі. 5-9 сыныптарға түсіндірсе болады. Жарайды, жалпы дамыту үшін болса бола берсін. Бірақ, баладан осыны айтып беруді талап ету және оны бағалау - опасыздық", - деп шағымданды бір ата-ана.

Желі қолданушылары кішкентай балаларға бұл терминдерді қарапайым тілде түсіндірудің қиындығын жарыса жазысып жатыр. 

"Адамдар ерігейін деген бе?", "Бұл - екінші сыныптың оқулығы", "Барлық пәндер күлкілі", "Қазіргі программа өте қиын, бала түгілі, біз үлкендер түсінбей жатамыз", "Оқушыларға обал" деп шуласты олар.

Еске сала кетсек, жақында ғана отбасылық бюджетті сұраған мектеп оқулығындағы кесте туралы да жазған болатынбыз.

Оқи отырыңыз

загрузка...

Соңғы жаңалықтар

Қызықты материалдар