Білім & Ғылым 10.11.2019 сағат 09:30

Семейлік оқушылар «домбыраның құлағында ойнайтын» робот ойлап тапты

Күйші роботты құрастырушылардың сөзіне қарағанда, мектепте бұған дейін де осыған ұқсас робот болған. Алайда, ол бір күйді орындаумен ғана шектелген екен.
Семейлік оқушылар «домбыраның құлағында ойнайтын» робот ойлап тапты
Бөлісу
Бөлісу
Бөлісу

Семейдегі Назарбаев зияткерлік мектебінің информатика пәні мұғалімі Бақытбек Орынбаев пен оның шәкірттері Мирас Мұратқанов және Нұрбол Мақтаев домбырада ойнай алатын робот құрастырды. Өнертапқыштар бұл еңбектерін ұлы Абайдың 175 жылдығына арнап отыр, деп хабарлайды altaynews.kz.

«Әр оқу жылы басталарда алдымызға мақсат қоямыз. Домбырада ойнайтын робот жасау идеясы біраз уақыт ойда жүрді. Жобаны жүзеге асырудың сәті биыл түсті. Алдымен роботты құрастырып, кейін оның пернені басатын, ішекті қағатын бөліктерін жеке-жеке жасадық», – дейді Бақытбек Нұрлыбекұлы.

Күйші роботты құрастырушылардың сөзіне қарағанда, мектепте бұған дейін де осыған ұқсас робот болған. Алайда, ол бір күйді орындаумен ғана шектелген екен. Ал жаңа роботтың домбырадағы барлық пернені еркін басып, ішекті қалауынша қаға білетін артықшылығы бар.

Робот күйді компьютерге енгізілген ноталар арқылы орындайды. Ол Абайдың «Торжорға», халық күйі «Қара жорға» мен халық әні «Еркем-айды» орындай алады. Ұстаз бен шәкірттер өз туындыларының кез келген шығарманы нота арқылы орындауға мүмкіндігі бар екеніне сенімді.

Оқи отырыңыз

загрузка...

Соңғы жаңалықтар

Қызықты материалдар