Білім & Ғылым 11.07.2020 сағат 15:15

Алдағы оқу жылында оқушыларға мектеп формасын кию міндеттелмейді

Балаларға қарапайым классикалық үлгідегі киім алып беруге болады.
Алдағы оқу жылында оқушыларға мектеп формасын кию міндеттелмейді
фото: ernur.kz
Бөлісу
Бөлісу
Бөлісу

Қазақстанда алдағы оқу жылында оқушыларға мектеп формасын кию міндеттелмейтін болады. Бұл туралы Білім және ғылым министрі Асхат Аймағамбетов мәлім етті, деп хабарлайды ҚазАқпарат. 

 «Мектеп формасы түсінігінің өзі, оның қағидаты мен талаптары ешқайда жоғалып кетпейді. Бірақ біз бұл бұйрыққа арнайы тармақ енгіземіз. Яғни ол тармаққа төтенше жағдай, карантин, шектеу шаралары мен басқа да форс-мажор жағдайлар жатады. Дәл осындай жағдайларда балаларға классикалық іскерлік киіммен келуге рұқсат береміз», - деді Асхат Аймағамбетов Білім және ғылым министрлігінің онлайн форматтағы тілшілермен кездесуінде. 

Оның айтуынша, егер ата-аналарда қазіргі уақытта мектеп формасын алуға жағдайы болмаса, балаларға қарапайым классикалық үлгідегі киім алып беруге болады. 

«Мұндай шешімді біз қабылдадық. Қазіргі жағдайда бұл шешімнің маңызы зор деп есептейміз. Мұны кеңес сипатында емес, Білім және ғылым министрлігінің әділет органдарында тіркеген бұйрығы негізінде жүргізіп жатырмыз. Шешімнің нормативті-құқықтық құжат ретінде сипаты болуы керек», - деді ол.

 Асхат Аймағамбетов десе де бұл өзгеріс уақытша екенін ескертті.

Еске сала кетсек Президент Қасым-Жомарт Тоқаев Үкіметтің кеңейтілген отырысында мектептердің алдағы жаңа оқу жылына дайындығын пысықтаған болатын. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар