Білім & Ғылым 07.06.2021 сағат 10:20

Павлодарлық оқушы биылғы ҰБТ-дан алғашқы болып 140 балл жинады

Әзірге ол мұндай көрсеткішке жеткен жалғыз оқушы.
Павлодарлық оқушы биылғы ҰБТ-дан алғашқы болып 140 балл жинады
Бөлісу
Бөлісу
Бөлісу

Биылғы ҰБТ тапсырғандар арасында павлодарлық түлек Данияр Уәлиев бірінші болып ең жоғары –140 баллды жинады. Әзірге ол мұндай көрсеткішке жеткен жалғыз оқушы, деп хабарлайды Stan.kz.

Бұл туралы ҚР Білім және ғылым министрлігі жанындағы қоғамдық кеңестің мүшесі, «Білім-Инновация» қоғамдық қорының қызметкері Нұрбол Төлебаев Facebook парақшасында мәлім етті.

«Сүйінші! Оқушымыз ҰБТ-дан 140 балл алды. Қорымыз жариялаған соңғы үлгідегі MacBookPro М1 иеленген Данияр Арманұлы Уәлиев – Павлодардағы ер балаларға арналған «Білім-Инновация» лицейінің биылғы түлегі. Алтын белгі үміткері. Жүзуден спорт шеберіне үміткер. Бірнеше мәрте ҚР чемпионы. Жалпыресейлік жарыстардың жүлдегері. Nur Sultan Оpen халықаралық жарысының чемпионы», – деп жазды Нұрбол Төлебаев.

Айта кетейік, биыл түлектер ҰБТ-ны екі рет тапсыра алады. Сөйтіп, ең жақсы нәтижесі бар сертификатпен мемлекеттік білім грантын тағайындау конкурсына қатысады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар