Білім & Ғылым 11.08.2021 сағат 10:00

«Балалар сенбі күні де оқуы керек»: Мектептер қайтадан алты күндік оқу жүйесіне көше ме?

Алайда ата-аналар мен балалар бұл жаңалыққа қуана қоймаған.
«Балалар сенбі күні де оқуы керек»: Мектептер қайтадан алты күндік оқу жүйесіне көше ме?
Бөлісу
Бөлісу
Бөлісу

Білім және ғылым министрлігі қайтадан алты күндік оқу жүйесіне көшуді ұсынды, деп хабарлайды Stan.kz ақпарат агенттігі “Информбюро” бағдарламасына сілтеме жасап. 

Министрлік балалар сенбі күні де оқуы керек деп есептейді. Алайда ата-аналар мен балалар бұл жаңалыққа қуана қоймаған. 

ҰБТ-ға дайындалып жүрген 10-сынып оқушысы Айсұлу Зияданова 1 қыркүйектен бастап алты күндік білім беру жүйесі енгізілетініне наразы. Өйткені оқушы қазірдің өзінде уақытым жоқ, қосымша сабақтарға барып, күнделікті білім алып жатқан көрінеді. Сенбі күні оқу оқушылардың жүктемесін арттыратынын айтады ол. 

“Менің ойымша алты күн оқып, бір күн демалыу оқушылар үшін жеткіліксіз. Өйткені қазірдің өзінде қосымша сабақтар, тіл курстары, спорт үйірмелері бар. Қосымшалар сенбі күні де болады. Екі кіндік демалыстың өзінде үлгермей жүрміз. Сондықтан алты күндік оқуды енгізбеу керек деп ойлаймын”, – дейді ол. 

Қазақстан 2016 жылдан біртіндеп бес күндік оқуға көше бастаған. Алдымен бұл бірінші сынып оқушыларына қатысты болса, ал 2018 жылы барлық сыныптар дерлік бес күндік оқу жүйесіне көшкен.

Парламент мәжілісінің депутаты, тәжірибелі мұғалім Ирина Смирнова шенеуніктер мұндай нәрселерді қоғам талқысына қойып, қажеттілігін түсіндіруі керек деп санайды. Оның сөзінше бұл үлкен дау тудыратын мәселе. 

“Өйткені сенбі мен жексенбі - бұл баланың отбасымен бірге болатын уақыты. Ал біз тәрбиенің ең маңызды кезеңі отбасында болатынын білеміз. Мектеп баланың тәрбиесіне жауапкершілік алмайды. Балаға көңіл бөлетін, тәрбиелейтін уақытта оны мектепке жіберу дұрыс емес”, – дейді парламенті мәжілісінің депутаты Ирина Смирнова. 

Білім министрлігі алты күндік білім беру жүйесіне қайта оралуға қатысты шешімді мектептер өздері қабылдайтынын айтты. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар