Қоғам   27.07.2017   сағат   10:28     767

Алматы облысында ұшақ апатынан қаза тапқандардың есімдері жарияланды

Бүгін таңертең Жаркенттен 10 шақырым қашықтықта апатқа ұшыраған ЯК-12 ұшағының салонында 54 жастағы пилот Хамит Ақбергенов пен 39 жастағы шаруа қожалығының иесі Мәсімжан Мәсімов болған. Олардың екеуі де қаза тапты. Бұл туралы Алматы облысы Панфилов аудандық прокуратурасының өкілдері хабарлап отыр.

Алматы облысында ұшақ апатынан қаза тапқандардың есімдері жарияланды

Екі адамға арналған шағын ұшақ "Казавиа" жеке компаниясына тиесілі. Ол жүгері алқабына дәрі себумен айналысқан. Алдын ала мәлімет бойынша, егістік алқабы Мәсімжан Мәсімовке тиесілі болған.

"Пилот Хамит Ақбергенов Қарағанды облысының тумасы, Алматыда тұрып келген. Мәсімжан Мәсімов болса Панфилов ауданындағы Шолақай аулының тұрғыны", - деді прокурорлар.

Еске салайық, шағын ұшақ 27 шілдеде таңертең орын алды. Мұнан кейін ҚР ИДМ тексеру аяқталғанша Қазақстандағы барлық ЯК-12 ұшақтарының ұшыуына уақытша тыйым салды.

Соңғы жаңалықтар