$ 449.58  486.94  4.86

Әліби Жұмағұлов тағы бір адамды полицияға ұстап берді

Түрмеге қамалған танымал кәсіпкер Қайрат Жамалиевтің "тоқалымен" ойнас құрамын деп, өлім аузынан қалған астаналық тұрғын Әліби Жұмағұлов полицейлерге есірткі тасымалдаған бойжеткенді ұстап берді. Бұл туралы Астана қалалық ІІД-нің баспасөз қызметі хабарлап отыр.

"Жұмағұловтың полицияға жазған арызынан кейін сотқа дейінгі тергеу амалдары жүргізілуде. ҚР Қылмыстық кодексінің 296 бабы (Есірткі заттарын заңсыз сақтау) бойынша қылмыстық іс қозғалды. Сот-химиялық сараптама көрсеткендей, 21 жастағы бойжеткеннен тәркіленген 1 келіден астам зат марихуана болып шықты. Қазіргі таңда тергеу амалдары жүргізіліп жатыр", - делінген аталған хабарламада.

Естеріңізге салайық, былтыр сәуір айында танымал кәсіпкер Қайрат Жамалиев Әлібиді өлімші етіп сабап, зорлық көрсеткен болатын. Басты себеп - Әлібидің кәсіпкер "тоқалы" Айнұр Исинаға қырындауы еді. Қоғамда үлкен шу тудырған осынау іске былтыр нүкте қойылып, Жамалиев 13 жылға бас бостандығынан айрылды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары