Қасым-Жомарт Тоқаев Шавкат Мирзиеевке көңіл айтып, бейресми кездесу жайын келісті

Кездесу барысында екі ел басшысы өзара байланыстың ауқымды мәселелерін, сондай-ақ өңірлік күн тәртібін талқылайды деп жоспарланып отыр.

Фото: Ақорда

Мемлекет басшысы Қасым-Жомарт Тоқаев Шымкент – Самара тас жолында болған жол апатынан өзбекстандық сегіз азаматтың қаза табуына байланысты Президент Шавкат Мирзиёевке көңіл айтты, деп хабарлайды Skifnews.kz ақпарат порталы.

Қазақстан Президенті қара жамылған отбасылардың қайғысына ортақтасып, жылы лебіз білдірді.

Сондай-ақ Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев 5 сәуір күні Хиуа қаласында бейресми кездесу өткізеді. Бұл туралы Ақорданың баспасөз қызметі жариялады.