$ 481.84  531.33  5.07

Алматыда автобус апатқа ұшырап, бір әйел көз жұмды

Аталған іс бойынша қылмыстық іс қозғалды.

Фото: видеодан алынған кадр
Фото: видеодан алынған кадр

Алматыда қоғамдық көлік пен Mitsubishi соқтығысып, бір адам қаза тапты, деп хабарлайды Skifnews.kz ақпарат порталы.

Жергілікті полиция қызметінің кезекші бөлімінен мәлім еткендей, жол-көлік апаты бүгін түскі сағат 14:48-де Алматының Жетісу ауданында болды.

"Mitsubishi" маркалы көліктің жүргізушісі Солтүстік айналма көшесімен солтүстік бағытта келе жатып, Бөкейханов көшесінің қиылысында жеке тасымалдаушыға тиесілі № 58-ші бағыттағы қоғамдық көлікпен соқтығысқан.

"Жол апаты салдарынан "Mitsubishi" көлігінде отырған әйел алған жарақаттарынан оқиға орнында көз жұмды. Адам өліміне әкеп соқтырған апат бойынша қылмыстық іс қозғалды. Сараптама тағайындалды", – деп хабарлады Алматы қалалық полиция департаментінің баспасөз қызметі.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары