Қасым-Жомарт Тоқаев чех халқын Тәуелсіздік күнімен құттықтады

Бұл туралы Ақорданың баспасөз қызметі мәлім етті.

Фото: Ақорда

Қасым-Жомарт Тоқаев Президент Петр Павелді Чех Республикасының Тәуелсіздік күнімен құттықтады, деп хабарлайды Skifnews.kz ақпарат порталы.

Мемлекет басшысы құттықтау жеделхатында Қазақстан мен Чехия арасындағы қарым-қатынас қарқынды дамып келе жатқанын атап өтті.

Сондай-ақ екіжақты ынтымақтастықтың одан әрі нығая түсетініне сенімді екенін жеткізді. Қасым-Жомарт Тоқаев Петр Павел мен барша чех халқына құт-береке тіледі.