Күдіктілер әлеуметтік желілерде компроматтар жариялаймыз деп қоқан-лоққы көрсеткен.
Алматыда блогерлер ақша бопсалағаны үшін ұсталды, деп хабарлайды Sкifnews.kz ақпарат порталы.
ІІМ баспасөз қызметінің мәліметінше, полиция қызметкерлері жәбірленушінің арызы бойынша кәсіпкер мен екі блогерді ұстады.
«Күдіктілер әлеуметтік желілерде компроматтар жариялаймыз деп қоқан-лоққы көрсетіп, 8 миллион теңге бопсалаған. Сондай-ақ олар жәбірленушіні сот шешімімен кәсіпкер төлеуге міндеттелген 20 миллион теңгені талап етуден бас тартуға көндірмек болған. Қаскөйлер 10 миллион теңге алып жатқан жерінде ұсталды», - делінген хабарламада.
ҚР ҚПК-нің 128-бабына сәйкес олар уақытша ұстау изоляторына қамалды. Бопсалау дерегі бойынша қылмыстық іс қозғалған.