Саясат 11.06.2015 сағат 18:00

АҚШ "Ислам мемлекетін" жою мерзімін айтты

"Ислам мемлекеті" лаңкестік тобын жойып жіберуге халықаралық коалицияға он жылға дейін уақыт қажет. Бұл туралы АҚШ құрлық әскері штабының басшысы Рэй Одиерно CBS News басылымына берген сұхбатында мәлімдеді, - деп хабарлайды Lenta.ru.

Бөлісу
Бөлісу
Бөлісу

"Бұл үш, бес, жеті немесе он жылға созылатын мәселе - оны бір түнде шеше салуға болмайды. АҚШ өздігінен "Ислам мемлекетін" жойып жібере алмайды. Біз тек көмек көрсете аламыз", - деді ол. Оның пікірінше, экстремистермен күресті бірінші кезекте араб елдері, нақтырақ айтқанда Ирак жүргізуі керек. Генералдың айтуынша, Бағдат "өз елі үшін соғысуға дайын жауынгерлердің дайындығына" назар аударуы керек. 

Осыған дейін Пентагонда Вашингтонның "Ислам мемлекетімен" жүргізілген күреске 2,7 миллиард долларды жаратқанын хабарланған болатын. Күн сайынғы күрестің құны 9 миллион теңге көрінеді. 

Еске сала кетейік, "Ислам мемлекеті" Ирак пен Сирия территориясының көп бөлігін жаулап алды. Орталық барлау басқармасының мәліметінше, 30 мыңға жеткен содырлар тобы жаулап алынған жерлерде халифат жариялап, аумағын кеңейтуге тырысып жатыр. "Ислам мемлекеті" тобы Сирияда үкіметтік жасақтарға қарсы соғысса, Иракта жергілікті әскерилер мен күрд халық жасақтары арасындағы соғысқа араласады. Содырларға қарсы Сирия, Ирак және АҚШ басшылығындағы халықаралық коалиция күресіп жатыр.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар