Назарбаев бірнеше лауазымды тұлғаның өкілеттігін тоқтатты

Мемлекет басшысының Жарлығымен Рашид Төлеутайұлы Түсіпбеков Қазақстанның парламент сенатының депутаты болып тағайындалды, ол Қазақстанның Жоғары Сот Кеңесінің Төрағасы қызметінен босатылды деп хабарлайды Ақорданың баспасөз қызметі.

Сондай-ақ, президент Жарлықтарымен Қазақстан парламенті сенатының депутаттары Серік Нөгербекұлы Нөгербековтің және Ерлан Зайроллаұлы Нығматулиннің өкілеттіктері тоқтатылды.

Еске сала кетсек, Түсіпбеков осыған дейін, Қазақстанның Бас прокуроры, Әділет министрі және Қаржы полициясы агенттігінің төрағасы қызметтерін атқарған.