Саясат 16.09.2015 сағат 05:43

Назарбаеваның депутаттық өкілеттігі мерзімінен бұрын тоқтатылды

Бүгін парламент мәжілісінің жалпы отырысында палата депутаттары депутат Дариға Назарбаеваның өкілеттігін мерзімінен бұрын тоқтату туралы қаулы қабылдады, деп жазады ҚазАқпарат.

Бөлісу
Бөлісу
Бөлісу

Еске сала кетейік, мемлекет басшысының жарлығымен жақында Дариға Назарбаева премьер-министрдің орынбасары болып тағайындалды. Ол бұл тағайындауға дейін парламент мәжілісі төрағасының орынбасары болған еді.

Дариға Назарбаева 1963 жылы 7 мамырда Қарағанды облысының Теміртау қаласында туған. Саяси ғылымдар докторы, тарих ғылымдарының кандидаты. Ағылшын, итальян, неміс тілдерін меңгерген.

«Бөбек» балалар қайырымдылық қорының вице-президенті. «Хабар» агенттігі» ЖАҚ-ның президенті, «Хабар» агенттігі» ЖАҚ-ның директорлар кеңесінің төрайымы болған.

2004-2007 жылдары – ІІІ сайланған Қазақстан Республикасы парламенті мәжілісінің республикалық «Асар» партиясының тізімі бойынша сайланған депутаты, «Аймақ» депутаттық тобының жетекшісі.

2007-2012 жылдары – «Қазақстан Республикасы тұңғыш президентінің қоры» Қоғамдық қорының директоры. 2012 жылғы 20 қаңтардан бастап Қазақстан Республикасы парламенті мәжілісі Әлеуметтік-мәдени даму комитетінің төрайымы болды.

2014 жылғы 3 сәуірден Қазақстан парламенті мәжілісінің вице-спикері, сондай-ақ «Нұр Отан» партиясы фракциясының жетекшісі лауазымдарын атқарды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар