Қырғызстанда бүгін жаңа премьер-министр сайланып, парламентке үкімет құрамы ұсынылады деп хабарлады Азаттықтың Қырғыз қызметі.
Премьер-министр қызметіне осы міндетті уақытша атқарушы Темір Сариевтың кандидатурасы ұсынылған.
Қырғызстан үкіметі баспасөз қызметінің мәліметінше, жаңа үкіметте вице-премьерлер саны төрттен үшке, министрліктер саны 14-тен 12-ге азаяды. Бұдан өзге, мемлекеттік агенттіктер санын 28-ден 24-ке дейін қысқарту жоспары бар.
Қырғызстанда жаңа сайланған парламент – Жогорку Кенештің жұмысқа кірісуіне байланысты 28 қазанда үкімет отставкаға кеткен.
Парламенттің жаңа коалициясы құрылып, үкіметтің жаңа құрамын жасақтап болғанша премьер-министр Темір Сариев пен оның орынбасарларына және үкіметтің өзге де мүшелеріне бұрынғы міндеттерін атқара беру жүктелген.