«Мен ояндым»: әділетсіздікке налыған қазақстандық жастар жаңа челлендж жариялады (ВИДЕО)

«Мен ояндым!» Бірнеше қоғам белсендісі осындай атаумен жаңа челлендж бастады. Видео Whastsapp месенджері арқылы тарап жатыр. 

Кадрда актер Ануар Нұрпейісов бастаған жастар қоғамдағы проблеларды жеке-жеке бір сөйлеммен жеткізеді. 

«Мен халық пікірімен санаспай, 1 күнде елорда атын өзгерте салатын елде ояндым», «Мен сөз бостандығы жоқ елде ояндым», «Мен интернетті бұғаттайтын елде ояндым», «Мен сотта әділдігі жоқ елде ояндым», «Мен 30 жыл бойы 1 пәтер сатып ала алмайтын елде ояндым», «Мен бейбіт митингіге шыға алмайтын елде ояндым»  – деді олар. 

Белсенділер сөз соңында «Ал сен қашан оянасың?» деп  көпшілікке  сауал тастады.