Саясат 15.05.2019 сағат 10:11

Шымкент қаласында дауыс берушілердің саны 569375 адамды құрайды

Шымкентте алдағы өтетін кезектен тыс президенттік сайлау науқанында 569 375 азамат өз таңдауын жасайды. Алдыңғы сайлаумен салыстырғанда, дауыс берушілер саны 230 мыңға көбейген. Саяси науқаннан мүмкіндігі шектеулі жандар да шет қалмайды. Олардың да өз құқығын пайдалану үшін барлық қолайлы жағдай жасалады.
Шымкент қаласында дауыс берушілердің саны 569375 адамды құрайды
Бөлісу
Бөлісу
Бөлісу

Шымкент республикалық қала статусын алғалы алғаш рет Президент сайлауын өткізбек. Осыған орай шаһардағы сайлау комиссиясының жұмысы да қарқын алған. Халықтың өсімі байқалған соң, қалада жаңадан 25 жаңа сайлау учаскесі қосылған. Ал жалпы дауыс беру орындарының саны 260-ты құрайды. Енді мамандар сайлаушылардың нақты тізімін анықтауға көңіл бөлуде.

– Егер азаматтар басқа аумаққа қызмет бабында баратын болса, өзі тіркелген мекенжайдың сайлау учаскесінен талон алып, барған жерінен дауыс беруге құқылы, - деді қалалық сайлау комиссиясының төрағасы Ерлан Дауылбаев. Қалалық сайлау комиссиясы әсіресе шаһардағы мүмкіндігі шектеулі азаматтардың өз таңдауын жасауына көп көңіл бөліпті. Негізінен Шымшаһарда ондай 35 мың жан бар. Олардың 29 мыңнан астамы сайлауға қатысуға құқылы.

Саяси науқанның өтуіне жауапты 2391 сайлау комиссиясының мүшелері қазір Президент жанындағы мемлекеттік басқару академиясының филиалында каскадтық әдіспен электорадтық негізде білім алуда. Олар мұнда сайлау туралы заңнамалармен танысып, біліктілігін шыңдайтын болады.

«SN.kz» - ақпарат»

Оқи отырыңыз

загрузка...

Соңғы жаңалықтар

Қызықты материалдар