Саясат 11.06.2019 сағат 13:51

«Әдемі ұрандар тастайтындарға алдануға болмайды»: Жанболат Мамай Ринатқа еріп кеткісі келетіндерге кеңес берді

«Қосановтың бүкіл Қазақстанның үмітін таптап кетуі бір нәрсені бізге айқын аңғартуы тиіс. Жекелеген адамдарға, сөзі көп, әдемі ұрандар тастайтын кісілерге алдануға болмайды!»
«Әдемі ұрандар тастайтындарға алдануға болмайды»: Жанболат Мамай Ринатқа еріп кеткісі келетіндерге кеңес берді
Бөлісу
Бөлісу
Бөлісу

Журналист Жанболат Мамай  «Қосановқа алдандым» деп халықтың алында шыққан Ринат Райытовқа қатысты өз ойын айтты. Халықтың адамға, тұлғаға емес, идеяға, идеалға еретін уақыт болды деген ол  Facebook әлеуметтік желісіндегі парақшасында арнайы жазба қалдырды. 

«Қосановтың бүкіл Қазақстанның үмітін таптап кетуі бір нәрсені бізге айқын аңғартуы тиіс. Жекелеген адамдарға, сөзі көп, әдемі ұрандар тастайтын кісілерге алдануға болмайды! 

Халықты сан соқтырғанына бір тәулік болмай жатып Қосановты бір ай мақтап, соның шашбауын көтеріп, халықты «Қосановқа алданайық!» деген ақынға еріп кеткісі келетіндер бар. Тіпті «партия құрамын» дегенін ерлік көріп, «міне қазақтың құтқарушысы» деп аузының суы құрып отырғандар аз емес. Сонда Қосановтың мысалы ешкімге сабақ болмады ма? Ешкімнің маңдайына тиіп, бадырайып тұрған шындықты көрмеді ме? 

Мен Ринат Заитовтың қандай адам екенін білмеймін. Бірақ «партия құрамын, халықты бастаймын» деп тұрған адамның бірнеше сағатта ұраны өзгеріп, ал келесі күні тіпті өзінің Youtube аккаунтындағы видеоларды жойып жібергеніне қарағанда табанының бүрі бар, мінезді тұлға деп айту қиын. Одан кейінгі факт - ол республикалық телеарнада тұтас бағдарламаны жүргізетін шоумен. Мысалы, маған Фейсбук пен Youtube-та бір клубтың отырысын модераторлық етуіме рұқсат бермей, полициядан ескерту беріп отыр. Ал шын халықшыл, оппозициялық бағыттағы адамға республикалық телеарна эфирін бере ме? Ойланайықшы. Тағы бір клоунды, саяси әртісті өз қолымызбен жасауға асықпайық! 

Меніңше, халықтың адамға, тұлғаға емес, идеяға, идеалға еретін уақыт болды. Ондай нәрсе - ӘДІЛЕТТІЛІК, ШЫНДЫҚ, ТАЗАЛЫҚ, КОРРУПЦИЯҒА ҚАРСЫЛЫҚ және МЕМЛЕКЕТШІЛДІК. Сонда адаспаймыз. Сонда алданбаймыз. Кім осы идеяларды биік тұғырға шын көтерсе, қазақтың лидері сол болсын!», – деп жазды ол. 

Оқи отырыңыз

‡àãðóçêà...

Соңғы жаңалықтар