Шымкент: Қала әкімінің орынбасары «Nur Otan» партиясы Саяси кеңесінің мәжілісіне қатысты

«Nur Otan» партиясы Шымкент қалалық филиалында кезектен тыс өткен президенттік сайлаудағы штаб жұмысын қорытындылау бойынша Саяси кеңес мәжілісі өтті. Оған Шымкент қаласы әкімінің орынбасары Гүлжан Құрманбекова, Шымкент қаласы мәслихатының хатшысы Ғани Ташқараев, «Nur Otan» партиясы Шымкент қалалық филиалы төрағасының бірінші орынбасары Бахадыр Нарымбетов, «Nur Otan» партиясы Шымкент қалалық филиалының саяси кеңес мүшелері, қалалық мәслихат депуттары қатысып, пікір алмасты.

Жиналыс барысында қатысушылар Президент айқындаған он бағытты баяндап, іске асыру жолдарын талқылады. Алдымен Б.Нарымбетов штаб жұмысының қорытындысы, Президент жанындағы Ұлттық қоғамдық сенім кеңесінің құрылуы туралы ойларын айтты.

Ал қала әкімінің орынбасары Гүлжан Құрманбекова әділетті әлеуметтік саясат, тұрғын үй мәселесін шешу және өңірлерді дамытудың жаңа бағдары жайлы, мемлекет және қоғам қайраткері Орынбай Рахманбердиев сыбайлас жемқорлықты жою, сот және құқық қорғау жүйесін реформалау туралы, ОҚМПУ проректоры Баршагүл Исабек «Болашаққа бағдар: Рухани жаңғыру» мақаласының қалада жүзеге асырылуы бойынша баяндама жасады.
Жиын соңында Қаулы жобасы қабылданды.

«SN.kz»-ақпарат.