$ 446.49 € 475.38 ₽ 4.79
Батыс Қазақстан облысы Казталов ауданының бұрынғы әкімі Абат Шыныбеков Орал әкімі болып тағайындалды, - деп хабарлайды Tengrinews.kz агенттігі.
Қалалық мәслихаттың депутаттары жаңа кандидатураны бірауыздан қолдады.
Абат Шыныбеков 1973 жылы дүниеге келген. Білімі жоғары, 1995 жылы Батыс Қазақстан ауыл шаруашылығы институтын «Ауыл шаруашылығын механизациялау», 1998 жылы Батыс Қазақстан «Еуразия» тілдер және менеджмент институтын «Экономика – менеджмент» мамандығы бойынша бітірген.
Шыныбеков 1996-2003 жылдары түрлі деңгейдегі мемлекеттік қызметте жұмыс жасаған.
2003-2006 жылдары Казталов ауданы әкімінің орынбасары, 2007-2008 жылдары Орал қаласы әкімінің кеңесшісі, 2008-2012 жылдары «Нұр Отан» БҚОФ төрағасының орынбасары, 2012-2013 жылдары Орал қалалық мәслихатының хатшысы қызметтерінде болды. Ал 2017 жылы Казталов ауданының әкімі қызметіне келді.
