Саясат 21.08.2019 сағат 14:30

«Шығыңыздар партиядан, біз басқасын таңдаймыз»: Назарбаев шенеуніктерді сынға алды

Бірінші Президент Оңтүстік-Шығыс Азия елдеріндегі тәжірибені зерделегенін атап өтті.
«Шығыңыздар партиядан, біз басқасын таңдаймыз»: Назарбаев шенеуніктерді сынға алды
Бөлісу
Бөлісу
Бөлісу

Nur Otan лидері Нұрсұлтан Назарбаев шенеуніктер партиямен байланысын ашық көрсетуі керек деп мәлімдеді. Бұл туралы ол партияның саяси кеңесінде айтты, деп хабарлайды Tengrinews.kz агенттігі. 

"Мемлекеттік органдардың кейбір басшылары, министрлер, әкімдер өзін партияның адамы секілді ұстамайды. Өзіме өзім бастықпын дейді. Nur Otan-ның барлық мүшесі партиямен қарым-қатынас жасап, бүгін Мәжілісте төсбелгі тағып отыруы керек", - деді Нұрсұлтан Назарбаев Nur Otan Саяси кеңесінің кеңейтілген отырысында. 

Бірінші Президент Оңтүстік-Шығыс Азия елдеріндегі тәжірибені зерделегенін атап өтті. 

"Малайзияда министрлер, премьер-министрлер төсбелгімен жүреді, орынбасарларында да, қалғандарында да бар. Көшеде адамдар мемлекеттік қызметші екенін көрсетеді. Ал бізде ше? Партияда екенімізден қорқамыз ба? Онда шығыңыздар, біз басқасын таңдаймыз", - деді Назарбаев. 

Айта кетейік, елордада Нұрсұлтан Назарбаевтың төрағалығымен Nur Otan партиясы Саяси кеңесінің кеңейтілген отырысы өтіп жатыр.

Оқи отырыңыз

загрузка...

Соңғы жаңалықтар

Қызықты материалдар