Саясат 18.02.2020 сағат 00:05

Пара ретінде iPhone алған елордалық бұрынғы әкім мен кәсіпкерге қатысты сот үкімі шықты

Екеуі де өмір бойына мемлекеттік қызметте жұмыс істеу құқығынан айрылды.
Пара ретінде iPhone алған елордалық бұрынғы әкім мен кәсіпкерге қатысты сот үкімі шықты
фото: altyn-orda.kz
Бөлісу
Бөлісу
Бөлісу

Елордада Байқоңыр ауданының бұрынғы әкімі Асқар Есіловке сот үкімімен 15 450 000 теңге айыппұл салынды, деп хабарлайды Skifnews.kz ақпарат порталы, Sputnik-ке сілтеме жасап.

17 ақпанда Есіл ауданының №2 соты Нұр-Сұлтан қаласы Байқоңыр ауданының бұрынғы әкімі Асқар Есілов пен кәсіпкер С. Нұртазинге үкім шығарды.

«Экс-әкім пара түрінде 515 000 теңгенің ұялы телефон алғаны және футбол алаңдарының құрылысы бойынша қосалқы мердігерлік жұмыстарды алуға жәрдем бергені үшін кінәлі деп танылды. Оған сот үкімімен 15 450 000 теңге, ал Нұртазинге пара бергені үшін 7 725 000 теңге айыппұл салынды», - делінген Есіл аудандық сотының хабарламасында.

Сонымен қатар, екеуі де өмір бойына мемлекеттік қызметте жұмыс істеу құқығынан айрылды.

Сотталушылардың жасаған қылмысы үшін өкінгенін, кінәсін мойындағанын, асырауында жас балаларының барын ескере отырып, іс жеделдетілген сотқа дейінгі өнідірісте тергеліп-тексерілді.

Егер олар айыппұл төлеуден жалтарса, жаза түрі бас бостандығынан айыру жазасына ауыстырылуы мүмкін. Үкім заңды күшіне енген жоқ.

Еске сала кетсек, қаңтар айының соңында елорданың Байқоңыр ауданының бұрынғы әкімі Асқар Есілов пара алды деген күдікке ілінген еді. Күдіктілер кінәсін мойындап, тергеуді жеделдетілген тәртіпте аяқтауды сұраған болатын.

Жалпы, 40 жастағы Есілов Байқоңыр ауданының әкімі қызметіне 2019 жылдың сәуір айында тағайындалған. Енді 30 қаңтардан бері ауданды 38 жастағы Нұрбол Нұрсағатов басқарып отыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар