«Биліктен құлаған» Бекшин енді Алматының бас санитар дәрігері болды

Бүгін атышулы Жандарбек Бекшин Алматының бас санитар дәрігері болып тағайындалды, деп хабарлайды Skifnews.kz ақпарат порталы, Денсаулық сақтау министрлігіне сілтеме жасап.

Еске сала кетсек, ол наурыздың 20-сында еліміздің бас санитар дәрігері қызметінен кеткен болатын.

«Мен тауарлар мен қызметтердің сапасы мен қауіпсіздігін бақылау комитеті төрағасының орынбасары – бас мемлекеттік санитар дәрігердің орынбасары болып қалдым», - деп мәлімдеген-ді сонда.

Қысқаша тоқтала кетсек, Жандарбек Бекшин 1958 жылдың 5 қаңтарында дүниеге келген. 1982 жылы Свердлов Мемлекеттік медициналық институтын «Гигиена, эпидемиология, санитария» мамандығы бойынша тәмамдаған. Медицина ғылымдарының кандидаты.