Саясат 22.05.2020 сағат 01:55

«Сайлаушылардың үмітін ақтамасам, кешірім сұраймын»: депутат мандатын тапсыратынын мәлімдеді

Айтуынша, Парламент өз өкілетін пайдаланбайды және Үкіметтен жақсы жұмыс істеуді талап ете алмай отыр.
«Сайлаушылардың үмітін ақтамасам, кешірім сұраймын»: депутат мандатын тапсыратынын мәлімдеді
Бөлісу
Бөлісу
Бөлісу

Қырғызстан Парламентінің депутаты Исхак Масалиев 21 мамырда «Жогорку Кенештің сәтсіздігіне ұялатынын» айтып, мандатын тапсыратынын мәлімдеді, деп хабарлайды baq.kz.

Масалиевтің сөзінше, Парламент өз өкілетін пайдаланбайды және Үкіметтен жақсы жұмыс істеуді талап ете алмай отыр. Ол Парламенттен 25 мамырда кететінін айтып, басқа депутаттарды «процессуальдық норманы бұзды» деп айыптады.

«Парламент жұмысының өзгергенін қалаймын. Сайлаушылардың үмітін ақтамасам, кешірім сұраймын. Мемлекетке пайда әкелетін кез келген жұмысты істеуге дайынмын. Бірақ, қазіргі Парламентте депутат болып отыру мүмкін емес деп ойлаймын», - деді ол.

Өткен аптада Масалиев пен тағы бірнеше депутат Парламентке сайлану үшін қажетті дауысты 9 пайыздан 5 пайызға түсіруді ұсынған. Бірақ, Парламент комитеттері мұны қолдамады. Қызу дебаттан кейін депутаттар Парламентке өтуге қажетті дауысты 7 пайызға түсіру туралы заң жобасын мақұлдады.

59 жастағы Масалиев – Қырғызстан коммунистік партиясы орталық комитетінің жетекшісі. Ол парламентке 2015 жылы «Онугуу-Прогресс» партиясы атынан сайланған.

Масалиев 2000-2010 жылдары да депутат болған. 2012-2014 жылы Қырғызстанның салық қызметін басқарды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар