Саясат 24.03.2016 сағат 10:04

ОҚО-да аудан тұрғындарынан балағат естіген әкім Мәжіліске депутат болып кетті (ВИДЕО)

Оңтүстік Қазақстан облысы Сайрам ауданын басқарып келген Уәлихан Қайназаров "Нұр Отан" партиясы атынан Мәжіліске сайланған 84 депутаттың қатарынан орын алды. Аудан әкімі кезінде ол тұрғындар тарапынан да, журналистер тарапынан да жиі сынға ұшыраған болатын.

Бөлісу
Бөлісу
Бөлісу

Сынға ұшырайтынындайы да бар. Ол басқаратын Сайрам аудандық әкімдігі 2006 жылдан бері бір жерді бірнеше адамға сатып, әр қайсысына құжаттарын заңдастырып берген. Арты былыққаннан кейін әкімдік әлгі жер телімдерін қайта қайтарып алыпты. Салдарынан жерге таласқан халық бір-бірінің жағасын жыртып, ең соңында әкімнің кетуін Шымкентке келіп талап етті.

Тұрғындардың айтуынша, әкімдіктегілер қарапайым халыққа үлестірген жерін өз туыстары мен бай-бағландарға қайта сатып жіберген көрінеді. Тіпті, кейін тегін де таратып берген дейді олар. Ал, бұл былықты алғаш естігенін айтқан Қайназаровқа сайрамдықтар сенбей, орнынан кетуін талап етті. Ашынған жұрт әкімнің қызметтен жай ғана кетпей, "табанын жалтыратып", істеген былықтары үшін жазасын алсын талап еткен болатын. Алайда, жаза былай тұрсын, "Нұр Отан" партиясының басшылары Қайназаровқа үлкен үміт артып, Мәжілістегі 84 орынның бірін тапсырды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар