Саясат 01.07.2020 сағат 01:25

Атамбаев екіжақты пневмония диагнозымен тергеу абақтысынан ауруханаға жеткізілді

Одан коронавирус табылмаған. Бірақ, дәл сол күні дәрігерлер онлайн консилиум өткізіп, бұрынғы президентке «пневмония» деген диагноз қойған.
Атамбаев екіжақты пневмония диагнозымен тергеу абақтысынан ауруханаға жеткізілді
фото: neonomad.kz
Бөлісу
Бөлісу
Бөлісу

Қырғызстанның бұрынғы президенті Алмазбек Атамбаев екіжақты пневмония диагнозымен Мемлекеттік қауіпсіздік комитетінің тергеу абақтысынан ауруханаға жатқызылды, деп хабарлайды BAQ.KZ.

Комитеттің хабарлауынша, 29 маусымда Атамбаев өзін жайсыз сезінгенін айтқан. Осыған орай, одан COVID-19 ауруының бар-жоғын анықтайтын ПТР анализі алынған. Атамбаевтан коронавирус табылмаған. Бірақ, дәл сол күні дәрігерлер онлайн консилиум өткізіп, бұрынғы президентке «пневмония» деген диагноз қойған. Консилиум Атамбаевты ауруханаға жатқызу туралы шешім қабылдаған.

Қауіпсіздік комитеті тергеу абақтысында кездесулерді шыныдан жасалған қабырға арқылы өткізуді ұсынды. Бірақ, Атамбаев кейінгі аптада адвокаттарымен және туыстарымен бетпе-бет кездескен.

«Ресми дерек бойынша, вирустық инфекцияның белгілері анықталған Атамбаевтың адвокаты Замир Жоошев Ыстық-Ата аудандық ауруханасында COVID-19 симптомдарына байланысты емделіп жатқан жақын туысымен байланыста болған» делінген мәлімдемеде.

Комитет тергеу абақтысы қызметкерлерінің медициналық тексеруден өткенін, олардан коронавирус инфекция анықталмағанын айтты.

Алмазбек Атамбаевтың ұлы Сеид Атамбаев facebook желісінде туыстары атынан мәлімдеме жариялап, Мемлекеттік қауіпсіздік комитетінің тергеу абақтысында Атамбаевқа вирусты әдейі жұқтырған деген пікір айтты.

«Мемлекеттік қауіпсіздік комитетінің тергеу абақтысында қамауда жатқандар туыстар арқылы бізге абақтының барлық қызметкерінде коронавирус болуы мүмкін деген күдік барын жеткізді... Атамбаев вирусты абақты қызметкерлерінің ауру профилактикасы мен қызметтік міндеттерін дұрыс атқармауы салдарынан жұқтырды», - дейді Сеид Атамбаев.

Ұлының сөзінше, Атамбаевты тергеу абақтысына туыстарына айтпай алып шыққан, бұрынғы президенттің қайда екенін туыстары білмейді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар